ماسکو (نیوزڈیسک) روسی صدر کے خصوصی ایلچی برائے افغانستان ضمیر قبولوف نے کہاہےکہ افغان جنگ میں روس کا پاکستان پرحملہ کرنے کاکوئی ارادہ نہیں تھاکیونکہ روسی حکومت کومعلوم تھاکہ پاکستان ایک ایٹمی طاقت ہے اوراس پرحملہ کرناایک بڑی غلطی ہوگی ۔انہوں نے کہاکہ اپنی وزارت میں کسی سے بھی نہیں سناکہ پاکستان پرکنڑول حاصل کرناہے ۔

انہوں نے کہاکہ امیدہے کہ نئے امریکی صدر ڈونلڈ ٹرمپ افغانستان کے حوالے سے نئی حکمت عملی مرتب کریں گے اور ایسے کئی مسائل کو حل کرنے کی کوشش کریں گے جو صرف روس ہی نہیں بلکہ پاکستان، چین اور ایران کیلئے تشویش کاباعث ہیں ۔

اتوارکے روزانہوں نے ایک انٹرویومیں کہاکہ افغانستان پر امریکی حملے کا مقصد یہ تھا کہ ایرانی انقلاب کے بعد امریکہ کاسب سے بڑافوجی اڈہ ختم ہونے پرخطے میں اس کی گرفت کمزورہوجائے گی جس کی وجہ سے ایک وسیع رقبے پرقبضہ کرنےکےلئے حملہ کیاتاکہ وہ روس، چین اورایٹمی صلاحیت کے حامل پاکستان اور ایران پر نظر رکھی جا سکے۔ انہوں نے کہا کہ امریکا پاکستان کی جوہری صلاحیت سے پریشان ہے، دوسری پریشان کن بات پاکستان کے جوہری بم کو اسلامی قرار دیا جانا اور اس سے کئی جذبات کا وابستہ ہونا ہے۔

موضوعات:ابوبکربغدادی افغان جنگ روس روسی صدر روسی صدرکے خصوصی نمائندہ