لاہوریوں کوبیمار جانوروں کا گوشت کھلانے کی کوشش ناکام ،فوڈ اتھارٹی نے کتنے ہزار کلوگوشت برآمد کر کے تلف کردیا؟پڑھ کر آپ کے ہوش اڑ جائینگے

  جمعرات‬‮ 14 مارچ‬‮ 2019  |  14:10
لاہور (این این آئی)لاہور شہر کو بیمار جانوروں کا ناقص اور مضر صحت گوشت کھلانے کی بڑی کوشش ناکام بنا دی گئی ،ڈی جی پنجاب فوڈ اتھارٹی کیپٹن (ر) محمد عثمان کی سربراہی میں بکر منڈی کے علاقے میں بڑی کارروائیاں کرتے ہوئے4300کلو بیمار جانوروں کا گوشت8ہزار کلو جانوروں کی باقیات برآمد کر کے پیمکو سنٹر میں تلف کر دی گئیں ،بکر منڈی اولڈ سلاٹر ہاوس ایریا میں 3 غیر قانونی مذبح خانے، میٹ چلر اور فیٹ رینڈرنگ یونٹ سیل کیے گئے۔ڈی جی فوڈ اتھارٹی محمد عثمان نے بتایا کہ سیل کیے گئے سلاٹر ہاوس پہلے بھی سیل کیے گئے تھے، غیر قانونی طور پر کھول کر کام کیا جا رہا تھا ، بیمار جانوروں کا غیر قانونی مذبح خانے میں گوشت تیار کر کے جعلی مہریں لگائی جاتی تھیں، غیر قانونی مذبح خانوں سے جعلی مہریں بھی برآمد کی گئیں، ملزمان موقع سے فرار ہو گئے۔انہوں نے کہا کہ شہریوں تک صحت بخش گوشت کی فراہمی پنجاب فوڈ اتھارٹی کی اولین ترجیح ہے ،بیمار جانوروں کے ناقص گوشت سے متعدد موذی بیماریاں پھیلتی ہیں۔انہوں نے کہا کہ ویجیلنس ٹیمیں گلی محلوں میں چھپے ذبح خانوں کا سراغ بھی لگا رہی ہیں، کہیں بھی مضر صحت گوشت دیکھیں تو بذریعہ ٹیلی فون ہیلپ لائن، موبائل اپلیکیشن یا ویب سائٹ اطلاع دیں۔

موضوعات:

loading...

آج کی سب سے زیادہ پڑھی جانے والی خبریں