اسلام آباد(آن لائن)پاکستان چھوڑ کر بھارت کی شہریت حاصل کرنے والے گلوکار عدنان سمیع کی طرف سے سوشل میڈیا پر بھارتی ائرفورس کی حمایت نے انکے لئے مشکلات کھڑی کردی ہیں۔سوشل میڈیا پر لوگوں نے انہیں پاکستان کا انڈر کور ایجنٹ قرار دیا اور یہ تجاویز بھی دیں کہ عدنان سمیع بھارت میں اہم ترین مشن پر ہے،اس پر بھارت کے لوگوں کی طرف سے سوشل میڈیا پر مطالبہ کیا جارہا ہے کہ عدنان سمیع کو فوری طور پر واپس پاکستان بھیج دیا جائے جبکہ عدنان سمیع نے اپنے پیغام میں کہا ہے کہ

جان بوجھ کر میرے لئے مسائل کھڑے کئے جارہے ہیں۔سوشل میڈیا کی دیکھا دیکھی بھارت کے ایک ٹی وی چینل نے اپنی ایک خصوصی رپورٹ میں بھارت کے اندر عدنان سمیع کے مختلف بہروپ دکھا کر بتایا گیا ہے کہ پاکستان نے اپنا ایجنٹ کبھی ڈاکٹر کی شکل میں اور کبھی گلوکار کی شکل میں بھارت میں مستقل تعینات رکھا ہے۔عدنان سمیع کے حوالے سے بھارت میں کافی بے چینی پائی جارہی ہے۔واضح رہے کہ عدنان سمیع چند سال پہلے پاکستان چھوڑ کر بھارت کی شہریت اختیار کر چکے ہیں

موضوعات:عدنان سمیع