راولپنڈی( آن لائن ) ترجمان پاک فوج نے آرمی چیف جنرل قمر جاوید باجوہ کے بھارتی ہم منصب سے رابطوں کی خبر کوجھوٹ اور من گھڑت قرار دے دیا۔ ڈی جی آئی ایس پی آر میجر جنرل آصف غفور نے سماجی رابطوں کی ویب سائٹ ٹوےئٹر پر اپنے پیغا م میں کہا کہ آرمی چیف نے بھارتی ہم منصب سے رابطے کی کبھی کوشش نہیں کی

دونوں آرمی چیف نے کانگو میں اقوام متحدہ کے مشن میں اکھٹے نوکری نہیں کی دونوں ممالک کے درمیان بات چیت کا اختیار صرف حکومتوں کو ہے بھارتی اخبار ہندوستان ٹائمز کی خبر دراصل غلط ہے۔ واضح رہے کہ ہندوستان ٹائمز نے آرمی چیف جنرل قمر جاوید باجوہ کے بھارتی ہم منصب سے رابطوں کی خبر دی تھی۔

موضوعات:قمر جاوید باجوہ