اسلام آباد (مانیٹرنگ ڈیسک)حمزہ شہبازکی جانب سے  پارٹی  رہنماﺅں کی تضحیک کا سلسلہ جاری، نجی ٹی وی کے مطابق چند دن پہلے حمزہ شہباز نے ایک اجلاس میں ڈپٹی میئر وسیم قادر کو تلخ اور بحث کے دوران پانی کی بوتل دے ماری تھی جس کے بعد انہوں نے جواب میں حمزہ شہباز کو بھی بوتل ماری تاہم بعدا زاں انہوں نے پارٹی چھوڑنے کا اعلان کر دیا تھا ۔لیکن آج پھر خبر آ گئی ہے کہ گزشتہ روز

حمزہ شہباز نے ن لیگ کے کارکن میاں جمیل کو تھپڑ دے مارا، حمزہ شہباز کے اس ایکشن کے باعث ن لیگی رہنماﺅں میں تشویش کی لہر پائی جارہی ہے اور انہوں نے حمزہ شہباز کے رویے کے خلاف پارٹی کی اعلیٰ قیادت سے نوٹس لینے کی درخواست کی ہے ۔ڈپٹی میئر کے ساتھ تلخ کلامی کی وجہ الیکشن ٹکٹ بنی تھی تاہم میاں جمیل کو تھپڑ مارنے کی وجہ کیا بنی؟ فی الحال تفصیلات سامنے نہیں آسکیں۔

موضوعات:حمزہ شہباز