اسلام آباد(مانیٹرنگ ڈیسک)متحدہ عرب امارات کے شہر شارجہ میں رہائشی عمارت میں آگ لگنے سے ایک پاکستانی خاتون اور ان کا بیٹا جاں بحق ہوگئے۔شارجہ کے مقامی میڈیا کے مطابق، ایک مکان میں آگ لگنے سے38سالہ پاکستانی خاتون اور ان کا 7سالہ بیٹا جاں بحق ہوگئے۔آگ لگنے پر ایک بزرگ شخص اور دیگر دو افراد کو

کویتی ہسپتال منتقل کیا گیا ہے۔مقامی پولیس کے مطابق، گھر میں پاکستانی فیملی اور غیر شادی شدہ افراد رہائش پذیر تھے۔آگ کی شدت کے باعث قریبی مکانات کو بھی خالی کرالیا گیا تھا۔جب کہ آگ پر تقریباً30منٹ بعد قابو پایا گیا۔تاہم، آگ لگنے کی وجوہات نہیں بتائی گئیں۔واضح رہے کہ متحدہ عرب امارات میں پاکستانیوں کی بہت بڑی تعداد قیام پذیرہے۔

موضوعات:شارجہ