اسلام آباد (مانیٹرنگ ڈیسک) آرمی چیف جنرل قمر جاوید باجوہ کے صاحبزادے سعد باجوہ کی شادی خانہ آبادی کے موقع پر محفل میلاد کا انعقاد۔ تفصیلات کے مطابق آرمی چیف جنرل قمر جاوید باجوہ کے صاحبزادے سعد باجوہ آج بروز جمعۃ المبارک رشتہ ازدواج میں منسلک ہو جائیں گے۔ سعد باجوہ کی شادی خانہ آبادی کی پرقارتقریب آرمی ہائوس راولپنڈی میں منعقد کی جائے گی ۔ اس موقع پر آرمی چیف جنرل قمر جاوید باجوہ کی جانب سے محفل میلاد کا اہتمام کیا گیا ہے۔ واضح رہے کہ سپہ سالار جنرل قمر جاوید باجوہ کی

ہدایت پر شادی کی تقریب میں مدعو کئے جانے والے مہمانوں کو 10روز قبل دعوت نامے ارسال کئے گئے تھے ۔ان دعوت ناموں میں محفل میلاد کے انعقاد سے متعلق بھی تحریری طور پر آگاہ کیا گیا تھا ۔ اس سے قبل بھی جنرل باجوہ کی بطور آرمی چیف تقرری کے بعد جمعہ کے ہی روز آرمی گیسٹ ہائوس میں جنرل باجوہ کی جانب سے محفل میلاد کا انعقاد کیا گیا تھا۔ جس میں محمود اشرفی اور دیگر نعت خوانوں نے نبی کریم حضرت محمد صلی اﷲ علیہ والہ وسلم کی شان میں گلہائے عقیدت اور سلام پیش کیا تھا۔

موضوعات:جنرل قمر جاوید باجوہ سعد باجوہ شادی محفل میلاد