لاہور(این این آئی )قومی کرکٹ ٹیم کے کپتان سرفراز احمد نے کہا ہے کہ آسٹریلیا کی ٹیم میں تجربہ کار کھلاڑی ہیں جبکہ پاکستان کی ٹیم نئے کھلاڑیوں پر مشتمل ہے، ایشیا کپ ماضی کا حصہ بن چکا ہے لیکن اپنی غلطیوں سے سیکھیں گے۔ میڈیا رپورٹ کے مطابق سرفراز احمد نے کہا کہ ٹیسٹ کرکٹ مختلف فارمیٹ ہے اس میں محتاط ہو کر کھیلنا ہوگا۔

بالنگ اور بیٹنگ میں بہتری کیلئے حکمت عملی بنائی ہے۔ انہوں نے کہا کہ ایشیا کپ ماضی کا حصہ بن چکا ہے لیکن اپنی غلطیوں سے سیکھیں گے ۔ ٹیم سلیکشن سب کی مشاورت سے کی جاتی ہے۔ قومی ٹیم کے کپتان کا کہنا تھا کہ ہم نے ابھی 8 ٹیسٹ میچز کھیلنے ہیں، تجربہ حاصل ہوگا، ٹیسٹ کرکٹ کھیلنے سے کارکردگی میں بہتری آتی ہے۔ آسٹریلوی ٹیم اچھی ہے، امید ہے ہم ان کے خلاف بہتر کھیلیں گے۔انہوں نے کہا کہ میچز میں کامیابی کیلئے بلے بازوں کو بڑی اننگز کھیلنا ہوگی۔ وقت کے ساتھ بہت کچھ سیکھا ہے۔ کوشش ہے کہ آسٹریلیا کیخلاف اچھا پرفارم کریں۔سرفراز نے بتایا کہ یاسر شاہ فرسٹ کلاس کرکٹ کھیل رہے تھے، فرسٹ کلاس کرکٹ میں یاسر شاہ کی کارکردگی اچھی رہی۔ یاسر شاہ ماضی کی طرح اب بھی کامیابی میں اہم کردار ادا کریں گے۔ انہوں نے کہا کہ محمدحفیظ کی کارکردگی اچھی ہے اسی لیے ٹیم میں شامل کیا، آسٹریلیا کے خلاف دونوں ٹیسٹ میچز میں کامیاب ہوں گے۔ قومی کرکٹ ٹیم کے کپتان سرفراز احمد نے کہا ہے کہ آسٹریلیا کی ٹیم میں تجربہ کار کھلاڑی ہیں جبکہ پاکستان کی ٹیم نئے کھلاڑیوں پر مشتمل ہے، ایشیا کپ ماضی کا حصہ بن چکا ہے لیکن اپنی غلطیوں سے سیکھیں گے۔ میڈیا رپورٹ کے مطابق سرفراز احمد نے کہا کہ ٹیسٹ کرکٹ مختلف فارمیٹ ہے اس میں محتاط ہو کر کھیلنا ہوگا۔بالنگ اور بیٹنگ میں بہتری کیلئے حکمت عملی بنائی ہے۔

موضوعات:سرفراز احمد