لاہور(بیورورپورٹ) ہراسانی معاملہ، میشا شفیع کی درخواست پر لاہور ہائیکورٹ نے علی ظفر ، گورنر پنجاب رفیق رجوانہ اور صوبائی محتسب کو نوٹس جاری کرتے ہوئے جواب طلب کر لیا۔ تفصیلات کے مطابق گلوکارہ میشا شفیع نے ہراسانی معاملے پر علی ظفر ، گورنر پنجاب رفیق رجوانہ اور صوبائی محتسب کو فریق بناتے ہوئے لاہور ہائیکورٹ میں درخواست

دائر کی تھی جس میں مؤقف اختیار کیا گیا تھا کہ رنر پنجاب نے حقائق کے برعکس فیصلہ دیا،صوبائی محتسب پنجاب نے علی ظفر کیخلاف درخواست خارج کی ،عدالت علی ظفر کیخلاف ہراساں کرنے پر کارروائی کرے جس پر آج لاہور ہائیکورٹ میں جسٹس شاہد کریم نے گلوکارہ کی درخواست پر گلوکار علی ظفر ، گورنرپنجاب اور صوبائی محتسب کو نوٹس جاری کرتے ہوئے جواب طلب کر لیا ہے۔

موضوعات:جسٹس شاہد کریم رفیق رجوانہ گورنر پنجاب لاہور ہائیکورٹ ہراسانی معاملہ