اسلام آباد (مانیٹرنگ ڈیسک)پنجاب ،خیبر پختونخوا اور بلوچستان کے گورنر ز نے صدر ممنون حسین کے ساتھ مشاور ت کے بعد مستعفی نہ ہونے کا فیصلہ کرلیا ۔نجی ٹی وی کے مطابق تینو ں صوبوں کے گورنر فی الحال مستعفی نہیں ہورہے اور انہوں نے یہ فیصلہ صدر مملکت سے مشور ے کے بعد کیا ہے ۔

جس میں طے پایا ہے کہ تینوں صوبوں کے گورنر عام انتخابات 2018کے تمام مراحل طے پانے کے بعد مستعفی ہونگے ۔ صدر سے مشاور ت میں یہ بھی طے پایا کہ تینو ں گورنرز نو منتخب وزرائے اعلیٰ سے حلف لینے کے بعد اپنے عہدوں سے استعفیٰ دے دیں گے ۔یاد رہے کہ صوبہ سندھ کے گورنر محمد زبیر الیکشن میں دھاندلی کوجواز بنا کر اپنے عہدے سے مستعفی ہو چکے ہیں۔امکان ہے عمران خان 11اگست کو وزیر اعظم کے عہدے کا حلف اٹھائینگے۔

موضوعات:صدر ممنون