لاہور(نیوز ڈیسک) تحریک انصاف نے سابق وزیر اعظم نواز شریف ،مریم نواز اور کیپٹن (ر) محمد صفدر کو جیل میں غیر قانونی اور درجہ اول سہولیات دینے پر تحفظات کا اظہار کرتے ہوئے نگران وزیر اعلیٰ پنجاب کو خط ارسال کر دیا ۔ مرکزی رہنما عندلیب عباس کی جانب سے ارسال کئے گئے خط کے متن میں کہا گیا ہے کہ نواز شریف ،مریم نواز اور کیپٹن (ر)صفدر کو جیل میں درجہ اول کی سہولیات دینا قیدیوں کے قوانین 19/8کی خلاف

ورزی ہے۔ہوم ڈیپارٹمنٹ سے جاری کردہ نوٹیفکیشن کے مطابق اور پاکستان پینل کوڈ اور قومی احتساب عدالت کے آرڈیننس کے تحت یہ قیدی جیل میں درجہ اول سہولیات کے اہل نہیں ہیں۔خط میں استدعا کی گئی ہے کہ آئی جی جیل خانہ جات پنجاب اور اڈیالہ جیل کے سپریٹنڈنٹ کو فوری نوٹس جاری کرکے جیل میں دی جانے والی غیرقانونی سہولیات واپس لی جائیں۔ان غیرقانونی طور پر دی جانے والی سہولیات پر بھی ٹیکس دہندگان کا پیسہ خرچ ہوتا ہے۔

موضوعات:حسن عسکری عندلیب عباس نگران وزیراعلیٰ پنجاب نواز شریف