اسلام آباد (مانیٹرنگ ڈیسک) چیئرمین پاکستان تحریک انصاف عمران کان  منہ دیکھتے رہ گئے، آصف زرداری نے اپنا کام کر دکھایا ،سابق صدر گرینڈ ڈیموکریٹک الائنس کو مذاکرات کی میز پر لے آئے۔آزاد امیدواران اور بلوچستان کی حمایت گیم پلٹ دے گی،آئندہ حکومت پیپلز پارٹی کی ہو سکتی ہے۔تفصیلات کے مطابق بڑی سیاسی جماعتیں انتخابات کیلئے اپنے امیدواروں کے انتخاب کے سلسلے میں الجھی رہیں، تاہم اب یہ مرحلہ بھی ختم ہوگیا۔

اب تمام سیاسی جماعتوں نے انتخابی حلقوں میں جلسے جلسوں اور کارنر میٹنگز کے ذریعے بھرپور انتخابی مہم چلانے کی تیاریاں شروع کر دی ہیں۔ اس سے قبل ٹکٹوں کی تقسیم کے معاملے پر رہنمائوں اور کارکنوں کی بغاوت اور احتجاج سیاسی جماعتوں کی قیادت کیلئے سر درد کا باعث بنی رہی۔سب سے مشکل صورتحال پاکستان تحریک انصاف کیلئے رہی۔تاہم اس تمام صورتحال میں پیپلز پارٹی کے شریک چئیرمین اور سابق صدر مملکت آصف زرداری خاموشی اختیار کیے رہے۔اب ملک میں آئندہ انتخابات کے بعد کی ممکنہ صورتحال کے حوالے سے تہلکہ خیز دعویٰ کیا گیا ہے۔ معروف صحافی و اینکر محمد مالک نے دعوی کیا ہے کہ آصف علی زرداری کو ایک مرتبہ پھر صدر مملکت بنانے کا منصوبہ تیار کر لیا گیا ہے۔ محمد مالک کا مزید دعویٰ ہے کہ تمام اسٹیک ہولڈر آصف زرداری کو صدر مملکت بنانے کیلئے راضی ہو چکے ہیں۔آصف زرداری گرینڈ ڈیموکریٹک الائنس کو مذاکرات کی میز پر لے آئے۔آزاد امیدواران اور بلوچستان کی حمایت گیم پلٹ دے گی،آئندہ حکومت پیپلز پارٹی کی ہو سکتی ہے۔یہ صورت حال سب سے زیادہ پاکستان تحریک انصاف کے لیے پریشان کن ہے کیونکہ شاید وہ پیپلز پارٹی سے اتنے بڑے اپ سیٹ کی امید نہیں رکھتی۔

موضوعات:آصف زرداری عمران خان