اسلام آباد(مانیٹرنگ ڈیسک )عمران خان اپنی اہلیہ بشری بی بی اور دوست زلفی بخاری کے ہمراہ پاکپتن شریف میں بابا فریدؒ کے مزار پر حاضری دیکر لاہور واپس آگئے تھے۔ بابا فریدؒ کے مزار پر عمران خان اور بشریٰ بی بی کے مبینہ سجدے کو لیکر پاکستان میں ایک نئی بحث چھڑ چکی ہے ۔دونوں کی مزار پر مبینہ سجدے کی ویڈیو بھی سامنے آچکی ہے اور اب ایک ویڈیو بھی منظر

عام پر آئی ہے جو کہ معروف صحافی طلعت حسین نے سماجی رابطوں کی ویب سائٹ ٹویٹر پر شیئر کی ہے۔ ویڈیو میں دیکھا جا سکتا ہے کہ بشریٰ بی بی بہشتی دروازے کے باہر پھولوں کی تہہ بچھا رہی ہیں جس میں عمران خان کے قریبی دوسرے زلفی بخاری بھی ان کا ساتھ دے رہے ہیں ، پھول بچھانے کے بعد بشریٰ بی بی اور عمران خان نیچے بیٹھ جاتے ہیں اور دعا کیلئے ہاتھ بلند کر لیتے ہیں ۔

موضوعات:بابا فریدؒ مزار بشریٰ بی بی زلفی بخاری عمران خان