مظفر گڑھ(نیوز ڈیسک)صوبہ پنجاب کے شہر مظفر گڑھ سے این اے 182اور پی پی 270سے آزاد امیدوار محمد حسین عرف میاں منا شیخ نے اپنے کاغذات نامزدگی میں 4کھرب 3 ارب 77 کروڑ روپے کے اثاثے ظاہر کر کے سب کو حیران کر دیا،ریٹرنگ آفیسر کو جمع کرائے گئے کاغذات نامزدگی میں کھربوں روپے کے ا ثا ثو ں کے باوجود ایک روپے کی بھی ٹیکس ادائیگی ظاہر نہیں کی گئی ۔محمد حسین نے 350 مربع اراضی، باغات،

تین گھر اور گھریلو سامان کی مالیت4کھرب 3ارب 77کروڑ روپے ظاہر کی۔ محمد حسین کا کہنا تھا سیاسی نمائندے اپنے اثاثے چھپا کر انتخابات لڑتے ہیں جو قوم کو دھوکہ دیکر صادق اور امین نہیں رہتے ۔تمام سیاسی رہنماؤں کے اثاثے منظر عام پر لانے کے لیے انہیں رعایت دی جائے تاکہ وہ اپنی دولت ملک میں لا سکیں۔آزاد امیدوارمحمدحسین کا کہنا تھا کہ ان کی تحصیل مظفرگڑھ میں ان کی ملکیت کے 5 علاقے لانگ ملانہ، تلیری، چک تلیری،لٹکراں اور 40 فیصد مظفرگڑھ شہر پر بااثر افراد نے غیرقانونی طور قبضہ کر رکھا تھا، تاہم چیف جسٹس سپریم کورٹ نے 88سال بعد ان کے خاندان کے حق میں فیصلہ دیا۔انہوں نے کہا کہ سپریم کورٹ کے فیصلے سے حاصل ہونے والی 5 علاقوں کی زمین کی قیمت کا اندازہ 4 کھرب 3 ارب 11 کروڑ روپے ہے جبکہ باقی تین گھر اور گھریلو سامان ہے جس کی مجموعی مالیت تقریباً4کھرب3ارب77کروڑ روپے بنتی ہے ۔ان کا کہنا تھا کہ میں چیف جسٹس کا شکریہ ادا کرتا ہوں جنہوں نے 88 سال بعد انہیں ان کا حق دلایا۔ صوبہ پنجاب کے شہر مظفر گڑھ سے این اے 182اور پی پی 270سے آزاد امیدوار محمد حسین عرف میاں منا شیخ نے اپنے کاغذات نامزدگی میں 4کھرب 3 ارب 77 کروڑ روپے کے اثاثے ظاہر کر کے سب کو حیران کر دیا،ریٹرنگ آفیسر کو جمع کرائے گئے کاغذات نامزدگی میں کھربوں روپے کے ا ثا ثو ں کے باوجود ایک روپے کی بھی ٹیکس ادائیگی ظاہر نہیں کی گئی ۔

موضوعات:مظفر گڑھ سے این اے 182اور پی پی 270سے آزاد امیدوار محمد حسین عرف میاں منا شیخ