لاہور(نیوز ڈیسک) الیکشن کمیشن آف پاکستان نے اسلامی جمہوری اتحاد پاکستان کے نام سے نئی سیاسی جماعت کو رجسٹرڈ کر نے کا نوٹی فکیشن جاری کر دیا جبکہ اسلامی جمہوری اتحاد پاکستان کے سر براہ علامہ زبیر احمد ظہیر نے کہا ہے کہ ہم عام انتخابات میں پنجاب سمیت پورے ملک میں حصہ لیں گے ‘

نوازشر یف نے بھارت کے حق میں بیان دیکر پاکستان اور جمہوریت پر خود کش حملہ کر دیا ہے مگر قوم انکے تمام عزائم کو خاک میں ملا دیں گے ‘نوازشر یف افواج پاکستان سمیت دیگر اداروں کو اشتعال دلانے کی سازشیں کر رہے ہیں ۔تفصیلات کے مطابق الیکشن کمیشن آف پاکستان نے اسلامی جمہوری اتحا دپاکستان کو باقاعدہ رجسٹرڈ کر لیا ہے جسکے سر براہ علامہ زبیر احمد ظہیر جبکہ مر کزی سیکرٹری جنرل رانا محمد واصف ہوں گے اسلامی جمہوری اتحاد پاکستان کے سربراہ علامہ زبیر احمد ظہیر نے میڈیا سے گفتگو کرتے ہوئے کہا کہ ہم ملک کو عزت دو کے پالیسی پر گامزن ہے (ن) لیگ کی افواج پاکستان اور سپر یم کورٹ پر تنقید ملک اور قوم کے ساتھ غداری ہے اور قوم ایسے لوگوں کو کسی صورت معاف نہیں کر یں گی بلکہ انکو نشانہ عبر ت بنادیں گے۔ انہوں نے کہا کہ (ن) لیگ والے سمجھتے ہیں انکو کر پشن اور لوٹ مار کر نے کی مکمل آزادی دیدی جائے مگر ان کا یوم حسا ب قر یب آچکا ہے اور وہ وقت دور نہیں جب کر پشن اور لوٹ مارکر نیوالی (ن) لیگ کی قیادت اقتدار کے ایوانوں نہیں جیلوں میں ہوگی ۔ انہوں نے کہا کہ ہم ملک اور قوم کے مفادات کی جنگ لڑ رہے ہیں اور عوام دشمن سیاسی اور مذہبی قائدین کے بتوں کو پاش پا ش کرد یں گے ملک میں حقیقی معنوں میں عوامی اور جمہوری حکومت قائم کر یں گے اور ملک کو چوروں اور ڈاکوؤں سے ہمیشہ کیلئے نجات دلائیں گے ۔

موضوعات:الیکشن کمیشن