اسلام آباد(مانیٹرنگ ڈیسک)چیئرمین تحریک انصاف عمران خان اور ان کی تیسری اہلیہ بشریٰ بی بی کے درمیان کشیدہ تعلقات کے حوالے سے خبریں میڈیا کی زینت بنیں جس کے بعد بشریٰ بی بی خود میدان میں آگئیں اور انہوں نے ان تمام خبروں کی تردید کر دی ہے۔ یہ پہلا موقع تھا کہ عمران خان کی تیسری اہلیہ بشریٰ بی بی میڈیا پر سامنے آئی ہیں ۔ ان کے متعلق کہا جاتا ہے کہ وہ میڈیا سے دور رہتی ہیں اور باپردہ خاتون ہیں۔ جمعرات کو نجی ٹی وی پر اپنے ایک بیان میں بشریٰ بی بی کا کہنا تھا کہ عمران خان

سے شادی میں تناؤ کی خبریں بے بنیاد ہیں۔ میں لاہور نہیں گئی بلکہ پچھلے چند ہفتوں سے بنی گالہ میں ہی موجود ہوں۔ بشریٰ بی بی کے بعد چیئرمین تحریک انصاف عمران خان بھی اب سامنے آگئے ہیں اور انہوں نے کہا کہ جب تک میں اور میری اہلیہ بشریٰ بی بی زندہ ہیں تب تک ہم ساتھ رہیں گے۔ نجی ٹی وی سے بات کرتے ہوئے عمران خان کا کہنا تھا کہ میں بہت بڑی بات کر رہا ہوں۔ایسی بات کوئی کرتانہیں ہے لیکن جب تک میں اور میری اہلیہ زندہ ہیں تب تک ہم ساتھ رہیں گے۔

موضوعات:بشریٰ بی بی عمران خان