اسلام آباد(مانیٹرنگ ڈیسک) کراچی میں بین الاقوامی کرکٹ بحال ہونے کی خوشی میں ایک دلہا اپنی شادی چھوڑ کر میچ دیکھنے پہنچ گیا اور پاکستان کے جیتنے پر ہی شادی کرنے کا اعلان کر دیا۔ اگر پاکستان ہار گیا تو پھر کیا کرو گے؟دلہا نے اس سوال پر ایسا جواب دیا کہ رپورٹر کی بھی ہنسی چھوٹ گئی۔ مذکورہ شخص نے خاتون رپورٹر سے گفتگو کرتے ہوئے کہا کہ ہم لاڑکانہ سے آئے ہیں اورشام پانچ بجے ہمارا نکاح تھا لیکن ہم شادی چھوڑ کر آ گئے ہیں

کہ اب پاکستان جیتے گا تو ہی شادی کریں گے۔خاتون رپورٹر نے پوچھا کہ دلہن کہاں ہے تو اس نے جواب دیا کہ دلہن لاڑکانہ میں ہے اور اس نے ابھی فون بھی کیا ہے لیکن میں نے اسے کہہ دیا ہے کہ آج پاکستان جیتے گا تو پھر ہی شادی کروں گا۔جب اس سے پوچھا گیا کہ  اگر پاکستان آج کا میچ ہار گیا تو پھر کیا کرے گا؟ تو دلہے نے دلچسپ جواب دیتے ہوئے کہا پھر ہم دوسری تاریخ طے کریں گے ۔یہ جواب ملنے پرسب ہنس ہنس کر لوٹ پوٹ ہوگئے۔

موضوعات:شادی