اسلام آباد(مانیٹرنگ ڈیسک)بھارت کی پاکستان دشمنی اور تنگ دلی عروج پر پہنچ گئی، یوم پاکستان کے موقع پر براہموس کروز میزائل کا تجربہ کر لیا۔ بھارتی خاتون وزیر دفاع نرملا سیتھا رامان نے سماجی رابطوں کی ویب سائٹ ٹویٹر پر اپنے ایک پیغام میں بتایا کہ بھارت نے براہموس کروز میزائل کا تجربہ کیا ہے، بھارت براہموس کا

تجربہ راجستھان میں واقع پکھران ٹیسٹ رینج سے کیا ۔ بھارتی خاتون وزیر دفاع کے مطابق میزائل نے کامیابی سے ہدف کو نشانہ بنایا ہے۔ قوم کے نام اپنے پیغام میں نرملا سیتھا رامان کا کہنا تھا کہ یہ میزائل تجربہ ہماری سلامتی کو مضبوط بنانے میں اہم سنگ میل ہے۔ واضح رہے کہ براہموس کروز میزائل بھارت نے روس سے حاصل کیا ہے۔

موضوعات:براہموس کروز میزائل بھارتی خاتون وزیر دفاع پکھران ٹیسٹ رینج نرملا سیتھا رامان