مکہ (نیوز ڈیسک) حج و عمرہ پر آنے والے زائرین کی خدمت میں مصروف سعودی اہل کاروں کی دو تصویروں نے سوشل میڈیا پر دھوم مچا رکھی ہے، سماجی رابطے کی ویب سائٹ پر ان تصاویر کو بہت پذیرائی حاصل ہو رہی ہے، سوشل میڈیا پر لوگوں نے عمرہ و حج پر آنے والے افراد کی خدمت پر مامور سکیورٹی اہلکاروں اور سکاؤٹس کی طرف سے لوگوں کے ساتھ اچھے رویہ کو سراہا ہے۔ سوشل میڈیا پر وائرل ہونے والی تصویروں میں

ایک تصویر میں سعودی سکیورٹی اہلکار نے ایک چھوٹے بچے کو اپنے دونوں ہاتھوں میں اٹھایا ہوا ہے اور بچہ بیت اللہ کو بوسہ دے رہا ہے جبکہ دوسری تصویر میں سعودی اسکاؤٹس کا رکن ویل چیئر پر بیٹھی ایک بزرگ خاتون کا پاؤں اپنے ہاتھ میں لے کر اسے ویل چیئر کے پائیدان پر رکھ رہا ہے۔اس طرح ان دونوں سکیورٹی اہلکاروں کے اس عمل کو بے حد سراہا جا رہا ہے اور ان کے انسان دوست رویے کی تعریف کی جا رہی ہے۔

موضوعات:سوشل میڈیا پر دھوم