کراچی(مانیٹرنگ ڈیسک) دنیا کے مہنگے اور سستے ترین شہروں کی فہرست جاری کردی،پاکستان کا اہم ترین شہر دنیا کے سستے ترین شہروں میں شامل ہوگیا، حیرت انگیز انکشافات، تفصیلات کے مطابق سنگاپور دنیا کا مہنگا ترین جبکہ بنگلور،چنائی اور کراچی دنیا کے سستے ترین شہر قرار دیے گئے ہیں۔اس حوالے سے معروف برطانوی جریدے نے دنیا کے مہنگے اور سستے ترین شہروں کی فہرست جاری کردی ہے۔برطانوی جریدے کی فہرست میں سنگاپور کو دنیا کا مہنگا ترین شہر جبکہ بنگلور کو دنیا کا سستا ترین شہر

قرار دیا گیا ہے۔معروف برطانوی جریدے اکانومسٹ کے انٹیلی جنس یونٹ کی جاری کردہ فہرست کے مطابق سنگاپور دنیا کا مہنگا ترین جبکہ بھارتی شہر بنگلور سستا ترین شہر ہے۔مہنگے شہروں میں دوسرے نمبر پر پیرس جبکہ سوئٹزرلینڈ کے شہر زیورخ کو دنیا کا تیسرا مہنگا ترین شہر قرار دیا گیا ہے۔اس فہرست کے مطابق بھارتی شہر بنگلور کو پہلے نمبر کے ساتھ دنیا کا سستا ترین شہر قرار دیا گیا ہے جبکہ چنائی، کراچی اور نئی دہلی سستے ترین شہروں میں بالترتیب دوسرے، تیسرے اور چوتھے نمبروں پر ہیں۔

موضوعات:سستے ترین شہروں کی فہرست