نارووال (مانیٹرنگ ڈیسک) مسلم لیگ (ن) کے رہنما اور وفاقی وزیر داخلہ احسن اقبال پر نارووال میں ورکرز کنونشن کے دوران ایک شخص نے جوتا پھینک دیا، وزیر داخلہ احسن اقبال نارووال میں ورکرز کنونشن سے خطاب کر رہے تھے کہ اس موقع پر تقریب میں شریک لوگوں میں سے ایک شخص نے اپنا جوتا اتارا اور احسن اقبال کی جانب پھینک دیا جو وزیرداخلہ کے ہاتھ پر لگا۔

ایک نجی ٹی وی چینل کی رپورٹ کے مطابق پولیس نے اس موقع پر فوری کارروائی کرتے ہوئے جوتا پھینکنے والے شخص کو گرفتار کر لیا، جس کے بارے میں معلوم ہوا ہے کہ اس کا شخص کا نام بلال حارث ہے۔ نجی ٹی وی کا یہ بھی کہنا ہے کہ وفاقی وزیر داخلہ احسن اقبال ہفتہ اور اتوار کو معمول کے مطابق اپنے حلقے میں وقت گزارتے ہیں اور لوگوں سے ملاقات کرتے ہیں۔

موضوعات:احسن اقبال