راولپنڈی (مانیٹرنگ ڈیسک) بھارتی فورسز نے لائن آف کنٹرول (ایل او سی) کی پھر خلاف ورزی کرتے ہوئے مقامی آبادی کو نشانہ بنایا جس سے 2 خواتین زخمی ہوگئیں۔ پاک فوج کے شعبہ تعلقات عامہ (آئی ایس پی آر) کے مطابق بھارتی فورسز نے لائن آف کنٹرول پر نیزاپیر سیکٹر کے قریب مقامی آبادی کو نشانہ بنایا۔پاک فوج نے بھارتی فورسز کی بلااشتعال فائرنگ کا منہ توڑ جواب دیا۔ واضح رہے کہ

گزشتہ روز بھارتی فوج کی جانب سے ورکنگ باؤنڈری پر پاکستانی علاقے میں بلااشتعال فائرنگ کے نتیجے میں 3 شہری زخمی ہوئے تھے۔ بھارتی فوج کی اشتعال انگیزی کے خلاف جوابی کارروائی میں ایک بھارتی اہلکار ہلاک اور 2 زخمی ہو گئے۔واضح رہے کہ 2017 سے اب تک بھارتی افواج نے 700 سے زائد بار لائن آف کنٹرول اور ورکنگ باؤنڈری پر سیز فائر معاہدے کی خلاف ورزی کی ہیں۔

موضوعات:آئی ایس پی آر