اسلام آباد(مانیٹرنگ ڈیسک)نجی ٹی وی چینل 24نیوز کے پروگرام میں گفتگو کرتے ہوئے سینئر صحافی چوہدری غلام حسین نے دعویٰ کیا ہے کہ مریم نواز کے میڈیا سیل کے گرفتار افراد نے انکشاف کیا ہے کہ مریم نواز اور ان کے سیکرٹری ہمیں خبریں فیڈ کرتے تھے اور بدلے میں وہ خوش ہو کرپیسے، انعامات اور شاباش دیتے تھے ۔

یہ خبریں عدلیہ اور فوج کیخلاف ہوتیں تھیں ۔جنہیں سوشل میڈیا سمیت الیکٹرانک میڈیا پر بھی چلوایا جاتا تھا۔چوہدری غلام حسین نے پروگرام کے دوران یہ بھی دعویٰ کیا کہ یہ خبر پہلے ہم نے بریک کی تھی ۔انہوں نے کہا کہ اب پتے چلا گا کہ ریاستی ادارے ان کیخلاف کیا ایکشن لیتے ہیں یا وہ بھی ملک سے فرار ہو جائینگی۔شاہد خاقان اور شہبازشریف ملاقات سے متعلق انہوں نے گفتگو کرتے ہوئے کہا کہ مسلم لیگ(ن) کے 90ارکان قومی اسمبلی پارٹی چھوڑنے کو تیار ہیں ۔اس وجہ سے ان دونوں رہنماؤں میں اتفاق پایا گیا ہے کہ میاں نواز شریف اپنی پالیسی کو تبدیل کریں تاکہ پنجاب اور وفاق میں حکومت مدت پوری کرے،پروگرام کے دوران مزید کیا باتیں ہوئیں آئیے آپ بھی سنئے:

موضوعات:غلام حسین