اسلام آباد(مانیٹرنگ ڈیسک)پاکستان کرکٹ ٹیم کے سابق کپتان شاہد آفریدی کی وزیراعلیٰ پنجاب شہباز شریف سے ملاقات، شہباز شریف کی جانب سے شاہد آفریدی فائونڈیشن کیلئے 5کروڑ روپے کا چیک پیش۔ تفصیلات کے مطابق پاکستان کرکٹ ٹیم کے سابق کپتان شاہد آفریدی نے آج وزیراعلیٰ پنجاب شہباز شریف سے ملاقات کی ہے۔ اس موقع پر شہباز شریف نے ہر دلعزیز آل رائونڈر اور سابق کپتان شاہد آفریدی کوسماجی کاموں کیلئے بنائی گئی ان کی شاہد آفریدی فائونڈیشن کیلئے 5کروڑ روپے کا چیک بھی دیا۔

شاہد آفریدی سے گفتگو کرتے ہوئے شہباز شریف کا کنا تھاکہ حکومت نے تعلیم اور صحت کے شعبے میں بہت کام کیا ، نجی شعبے کے ساتھ مل کر تعلیم اور دیگر سماجی کاموں کی ترقی کیلئے کام کرنا ہو گا۔ نجی شعبہ آگے آئے حکومت انہیں مکمل تعاون کا یقین دلاتی ہے۔ شاہد آفریدی نے اس موقع پر شہباز شریف کی تعلیم اور صحت کے میدان میں گرانقدر خدمات پر انہیں خراج تحسین پیش کرتے ہوئے سراہا

موضوعات:شاہد آفریدی شہباز شریف