چنیوٹ(مانیٹرنگ ڈیسک)سابق تحصیل ناظم چنیوٹ سید ذوالفقار علی شاہ تحریک انصاف میں شامل ہو گئے تفصیلات کے مطابق سابق تحصیل ناظم چنیوٹ سید ذوالفقار علی شاہ ، سابق صوبائی وزیر و ایم این اے سردار سید محمد طاہر شاہ نے گزشتہ رو ز اسلام آباد بنی گالہ میں قائد تحریک انصاف پاکستان عمران خان سے ملاقات کی اور ملاقات کے دوران باقاعدہ طور پر پاکستان تحریک انصاف میں شمولیت کا اعلان کیا

اس موقع پر عمران خان نے سابق تحصیل ناظم ذوالفقار علی شاہ اور سید محمد طاہر شاہ کی پی ٹی آئی میں شمولیت پر ان کا خیر مقدم کیا اس موقع پر سابق تحصیل ناظم سید ذوالفقار علی شاہ نے کہا کہ وہ چنیوٹ ضلع کو پی ٹی آئی کا قلعہ بنا دیں گے اور آئندہ عام انتخابات میں تحریک انصاف ضلع بھر میں تمام نشستوں پر کلین سویپ کرے گی سابق تحصیل ناظم سید ذوالفقار علی شاہ کی پی ٹی آئی میں شمولیت پر تحریک انصاف چنیوٹ کے کارکنوں نے خوشی کااظہار کیا ہے

موضوعات:عمران خان