اسلام آباد(مانیٹرنگ ڈیسک)پاکستان میں صبا کے نام سے موبائل بیلنس لینے کا ٹرینڈ برطانیہ بھی جا پہنچا جہاں سارہ نامی لڑکی کا نام استعمال کر کے میسجز کے ذریعے موبائل بیلنس بٹوراجارہا ہے۔غیر ملکی میڈیا کے مطابق اب برطانیہ میں اسکیمر اور فراڈ کرنے والے سارہ کا نام استعمال کرکے خصوصاً والدین کو ایک ایس ایم ایس بھیج رہے ہیں جس میں 20 پائونڈ کی رقم مانگی جاتی ہے۔دھوکہ دہی کے اس نئے حربے میں سارہ اپنے والدین سے کہتی ہے

کہ میں کسی اور کے فون سے ایس ایم ایس کررہی ہوں اور گاڑی کو حادثہ پیش آگیا ہے۔ پلیز اس نمبر پر جواب دیجئے۔یہ پیغام اس طرح بھی ہوسکتا ہے:میں سارہ اس موبائل نمبر پر ہوں۔ میری دوست کا راستے میں انتقال ہوگیا ہے اور اس کی دوسری بہن شدید زخمی ہے کیونکہ ایک ایکسیڈنٹ ہوا ہے۔ مجھے سر پر چوٹ آئی ہے اور میرا ایکس رے ہوگا، وغیرہ۔پیغام کچھ ایسا بھی ہوتا ہے کہ ایک حادثے میں میری کچھ ہڈیاں فریکچر ہوئی ہیں اور یہ پیغام پڑھتے ہی مجھ سے رابطہ کیجئے۔میسج ملتے ہی جب کوئی اس پیغام کا جواب دیتا ہے تو وہاں سے 20 پائونڈ کے بیلنس کی درخواست آتی ہے کہ موبائل کارڈ کا نمبر بھیج دیا جائے۔ واضح رہے کہ پاکستان میں بھی صبا نامی لڑکی کے نام پرموبائل بیلنس مانگا جاتا ہے وہ بھی اسی طرح کے جذباتی پیغام بھیجا کرتی تھی جو کے بعد میں پکڑی بھی گئی تھی۔

موضوعات:صبا