اسلام آباد (آن لائن )اسلام آباد ہائیکورٹ نے وزیر خارجہ خواجہ آصف کی نااہلی کے حوالے سے دائر درخواست پر لارجر بینچ تشکیل دینے کی سفارش کر دی تفصیلات کے مطابق پاکستان تحریک انصاف کے رہنما عثمان ڈار کی جانب سے وزیر خارجہ خواجہ آصف کی نااہلی کے حوالے سے دائر درخواست پر اسلام آباد ہائیکورٹ کے جسٹس عامر فاروق پر مشتمل سنگل رکنی بینچ نے سماعت کی دوران سماعت جسٹس عامر فاروق

نے ریمارکس دیئے کہ درخواست میں الیکشن لا اور آئینی نقطے اٹھائے گئے ہیں لہذا اس درخواست کی سماعت لارجر بینچ کریں بعدازاں چار صفحات پر مشتمل جاری حکم نامے میں جسٹس عامر فاروق کی جانب سے چیف جسٹس انور خان کاسی سے سفارش کی گئی ہے کہ اسلام آباد ہائیکورٹ وزیر خارجہ خواجہ آصف کی نااہلی کے حوالے سے عثمان ڈار کی جانب سے دائر درخواست پر لارجر بینچ تشکیل دیئے جانے کے حوالے سے مناسب حکم نامہ جاری کریں جس کے بعد عدالت کے حکم پر درخواست چیف جسٹس اسلام آباد ہائیکورٹ کو واپس بھیجو ا دی گئی۔ واضح رہے پاکستان تحریک انصاف کے رہنما عثمان ڈار کی جانب سے وزیر خارجہ خواجہ

آصف کا اقامہ سامنے آنے کے بعد ان کی نااہلی کے حوالے سے اسلام آباد ہائیکورٹ میں درخواست دائر کر رکھی ہے۔

موضوعات:اسلام آباد ہائیکورٹ