لاہور (مانیٹرنگ ڈیسک) سپیکر سردار ایاز صادق نے لاہور کے علاقے رحمان پورہ میں سڑک کا افتتاح کیا۔ اس موقع پر میڈیا سے گفتگو کرتے ہوئے ان کا کہنا تھا کہ گزشتہ الیکشن میں کئے گئے وعدے پورے کر دیئے، صرف سیوریج کا کام باقی ہے وہ بھی ٹھیک کر دیں گے،

بیگم کلثوم نواز الیکشن لڑیں گی اور جیتیں گی۔ نیب ریفرنسز پر ان کا کہنا تھا کہ ایک سال سے تشویش تھی کہ نواز شریف کے خلاف فیصلہ آئے گا، سپریم کورٹ کے فیصلے کو من و عن تسلیم کیا لیکن اس سے اتفاق نہیں کرتے، نیب کے ریفرنسز جے آئی ٹی رپورٹ پر بھیجے گئے، کیس ریویو کیا ہے امید ہے اچھے نتائج آئیں گے۔ انہوں نے مزید کہا کہ اداروں میں تصادم غیرمناسب ہے، ہماری خواہش ہے کہ کوئی ایسا اقدام نہ اٹھایا جائے جس سے ملک کو نقصان ہو۔دوسری جانب سابق وفاقی وزیر داخلہ چوہدری نثار نے کہا ہے کہ نواز شریف سے زیادہ تر اختلافات پچھلےادوار میں پالیسی کی وجہ سےآئے، خاندانی پس منظر فوجی ہونے پر فخر ہے، سوشل نہیں ہوں اس لیے مخالفین مجھے مغرور کہتے ہیں۔ان خیالات کا اظہارانہوں نے نجی ٹی وی چینل کو خصوصی انٹرویو دیتے ہوئے کیا، چوہدری نثار نے کہا کہ حکومت وقت نے میری بہت مخالفت کی لیکن میرےحلقے نے میرا بھرپور ساتھ دیا۔خود کو انتہائی گناہ گارانسان سمجھتا ہوں، دشمنی بھی لمبی نبھاتاہوں اور دوستی بھی، فوج سے ہماری کوئی لڑائی نہیں اور نواز شریف کی رخصتی میں بھی فوج کا کوئی کردار نہیں۔جب میں نے محسوس کیا کہ مجھےجان بوجھ کر مشاورت سے الگ رکھاجارہا ہے تو اس کا ذکر کابینہ میں کیا، بہت سی چیزوں کا پوسٹ مارٹم کیا لیکن نوازشریف سے اختلافات کا ذکر میں نے کبھی نہیں کیا۔میں سمجھتا ہوں کہ سچ بات کی جائے خوشامد نہیں، تلخ سے تلخ بات کی کبھی نوازشریف کےچہرے ناراضگی نہیں آئی، حالیہ 3 سے 4 سال کے دوران نوازشریف سے اختلافات آئے۔

موضوعات:ایاز صادق