راولپنڈی(مانیٹرنگ ڈیسک ) آرمی چیف جنرل قمر جاوید باجوہ کا کہنا ہے پاکستان اورعوام کی سیکیورٹی کےلیےعید پر ڈیوٹی دینا بہترتہوارہے۔پاک فوج کے شعبہ تعلقات عامہ آئی ایس پی آر کے مطابق پاک فوج کے سربراہ جنرل قمر جاوید باجوہ نے پاک افغان بارڈر پر وادی راجگال کا دورہ کیا اور جوانوں کے ساتھ عید کا پہلا دن گزارا۔ آرمی چیف جنرل قمر جاوید باجوہ نے کہا کہ پاکستان اور عوام کی

سیکیورٹی کے لیے ڈیوٹی ہماری اولین ذمہ داری ہے انہوں نے کہا کہ ہماری جانیں پاکستان کےلیےہروقت حاضرہیں۔پاک فوج کے سربراہ کا کہنا تھا کہ پاکستان کےدفاع کےلیےعید پر ڈیوٹی دینا تہوارمنانے کا بہترین طریقہ ہے۔ انہوں نے کہا کہ انشااللہ مل کر پاکستان کو بہترین ملک بنائیں گے۔واضح رہے کہ آرمی چیف جنرل قمر جاوید باجوہ نے قوم کو عید کی مبارک باد دیتے ہوئے اپنے پیغام میں کہا کہ عید الاضحیٰ امن، خوشیوں اور قربانی کا درس دیتی ہے۔

موضوعات:آرمی چیف پاک فوج قمر باجوہ