راولپنڈی(آن لائن)پاکستان افغان جنگ کواپنی سرزمین پرنہیں لاسکتا، اپنے علاقوں کو بلاامتیازدہشتگردوں سے پاک کردیا،چارملکی انسداددہشتگردی تعاون میکنزم (کیوسی سی ایم )کااجلاس گزشتہ روزتاجکستان کے دارالحکومت دوشنبے میں منعقدہوا،اجلاس میں رکن ممالک کی سینئرفوجی قیادت ،جس میں آرمی چیف جنرل قمرجاویدباجوہ،چین کے جنرل لی ژوشنگ،تاجکستان کے جنرل سوبیرزوداامامولی عبدالرحیم اورافغانستان کے جنرل شریف یافتالی شامل ہیں ،نے شرکت کی ۔

اجلاس کے تمام شرکاء نے کیوسی سی ایم کے اینیشیئٹوکاخیرمقدم کیااورامیدظاہرکی کہ مربوط اورتعاون پرمبنی علاقائی کوششیں دہشتگردی کے خاتمے کیلئے بہترین ثابت ہوں گی ۔پاک فوج کے شعبہ تعلقات عامہ آئی ایس پی آر کی طرف سے جاری اعلامیہ کے مطابق اس موقع پرخطاب کرتے ہوئے آرمی چیف جنرل قمرجاویدباجوہ نے دہشتگردی کے خلاف جنگ میں دہشتگردوں اوران کے پاکستانی سرزمین سے ٹھکانوں کے خاتمے کیلئے پاکستان کی کامیابیوں پرروشنی ڈالی ۔ان کاکہناتھاکہ دہشتگردی مشترکہ خطرہ ہے ،جسے انٹیلی جنس معلومات کے تبادلے اورمربوط مؤثربارڈرمینجمنٹ کے ذریعے سے ہی شکست دی جاسکتی ہے ۔شرکاء نے اس موقع پرایک آؤٹ لائن تعاون میکنزم پربھی دستخط کئے ،جومتعلقہ حکومتوں کی توثیق کے بعدلاگوہوگا۔آئی ایس پی آر کے مطابق اجلا س کے موقع پرآرمی چیف نے افغان فوج کے سربراہ جنرل شریف یافتالی سے بھی ملاقات کی ،جس میں افغانستان کی صورتحال پر تبادلہ خیال کیاگیا اور آرمی چیف جنرل قمر باجوہ اور افغان چیف آف جنرل اسٹاف نے اپنے اپنے تحفظات پر بھی بات کی۔۔آرمی چیف نے افغان ہم منصب کوبھرپورتعاون کی یقین دہانی کراتے ہوئے کہاکہ پاکستان افغان جنگ کواپنی سرزمین پرنہیں لاسکتا،پاکستان پہلے ہی اپنے علاقوں کوبلاامتیازدہشتگردوں سے پاک کرچکاہے اورباڑسمیت سرحدپرسیکورٹی کے متعدد یکطرفہ اقدامات شروع کر رکھے ہیں ۔دیرپاقیام امن کیلئے بارڈرسیکیورٹی مینجمنٹ کے علاوہ دوسرااہم پہلوافغان پناہ گزینوں کی باعزت اپنے گھروں کوواپسی شامل ہے ۔

آرمی چیف نے افغانستان کویقین دلایاکہ پاکستان افغانستان میں دیر پا امن کیلئے ہر قسم کی تجاویز کھلے دل سے سننے کیلئے تیار ہے س حوالے سے انہوں نے باہمی تحفظات کی حل کیلئے مشترکہ طورپرکام کرنے اورحکومتی سطح پربات چیت کیلئے سیکورٹی سفارشات مرتب کرنے کے حوالے سے پاک افغان آرمی ورکنگ گروپ تشکیل دینے کی پیشکش کی ۔اس موقع پرافغانستان کے جنرل شریف یافتالی نے اس تجویزسے اتفاق کیااورآرمی چیف کاامن کیلئے ان کی انتھک کاوشوں کو سراہا اور شکریہ اداکی

موضوعات:قمرجاویدباجوہ