اسلام آباد (مانیٹرنگ ڈیسک) سابق وزیراعظم نواز شریف کی نااہلی کے بعد وفاقی حکومت نے قانون میں تبدیلی کر ڈالی۔ تفصیلات کے مطابق وفاقی حکومت نے آئین کے آرٹیکل 62, 63 میں تبدیلی کا فیصلہ کیا ہے جس کے لئے وزیر قانون زاہد حامد نے قومی اسمبلی میں بتایا کہ آئین کے آرٹیکل 62 میں نااہلی میں وقت کا کوئی تعین نہیں ہے۔ یہ نا اہلی کا دورانیہ پانچ سال سے کم ہونا چاہئے۔

اس موقع پر وزیر قانون نے واضح کیا کہ آئین میں تبدیلی تمام جماعتوں کے صلاح مشورے کے بعد ہی کی جائے گی۔ واضح رہے کہ حکومت نے آئین میں ترمیم کا فیصلہ سابق وزیراعظم نواز شریف کی نا اہلی کے بعد کیا ہے۔ سابق وزیراعظم نواز شریف کو آئین کے آرٹیکل 62 اور 63 کے تحت ہی نااہل کیا گیا تھا۔

موضوعات:وزیر قانون زاہد حامد