حیدر آباد (این این آئی)سپاٹ فکسنگ سکینڈل کے نتیجے میں معطل ہونے والے کرکٹر شرجیل خان نے باکسنگ کی ٹریننگ شروع کردی ۔تفصیل کے مطابق پاکستان سپرلیگ سیزن ٹو کے آغاز میں ہی سپاٹ فکسنگ کیس کے سامنے آنے پر پی سی بی نے پانچ کھلاڑیوں کو معطل کیا جن میں اسلام آباد یونائیٹڈ کے اوپنر شرجیل خان بھی شامل تھے ۔

ان کے خلاف پی سی بی ٹربیونل میں کیس کی سماعت ہوئی جس کے فیصلہ بھی کچھ دنوں میں متوقع ہے ۔حال میں سامنے آنے والی ایک ویڈ یو میں شرجیل خان کو سابق قومی باکسر زاہد بلوچ کے ساتھ باکسنگ ٹریننگ کرتے دیکھا جا سکتا ہے جس سے ایسا محسوس ہوتا ہے کہ انہوں نے کرکٹ کو چھوڑ کر باکسنگ رنگ کو جوائن کر لیا ۔

موضوعات:سپاٹ فکسنگ سکینڈل شرجیل خان