اسلام آباد (مانیٹرنگ ڈیسک) ’’مجھے کیوں نکالا‘‘ نواز شریف کے بڑے سوال کا بڑا جواب اب عوام کو کہاں سے ملے گا، تحریک انصاف نے حیرت انگیز قدم اُٹھا لیا، تفصیلات کے مطابق سابق وزیراعظم نواز شریف کی مقبولیت پر ضرب لگانے کے لیے پاکستان تحریک انصاف نے ’’کیوں نکالا‘‘ کے عنوان سے پمفلٹ تقسیم کرنے کا فیصلہ کر لیا ہے۔ یہ پمفلٹ بڑے شہروں میں جہاز کے ذریعے بھی گرائے جائیں گے، میڈیا ذرائع کے مطابق سپریم کورٹ کی طرف سے پاناما کیس میں نوازشریف کی نااہلی کے بعد ان کے جلسے جلوسوں کومدنظر رکھتے

ہوئے تحریک انصاف نے حقائق سامنے لانے کا فیصلہ کیا ہے اور یہ حقائق سامنے لانے کے لیے تحریک انصاف لوگوں میں پمفلٹ تقسیم کرے گی۔ تحریک انصاف کے چیئرمین عمران خان نے یہ پمفلٹ تقسیم کرنے کی منظوری بھی دے دی ہے۔ اس پمفلٹ میں نوازشریف کی نااہلی کی وجوہات، ججز ریمارکس اور مشترکہ تحقیقاتی ٹیم کی رپورٹس کے بارے عوام کوآگاہ کیا جائے گا۔ جہاز کے ذریعے یہ پمفلٹ لاہور اور راولپنڈی میں بھی گرائے جائیں گے۔ اس طرح تحریک انصاف کا سابق وزیراعظم کی مقبولیت پر ضرب لگانے کے لیے ایک انوکھا طریقہ ہے۔

موضوعات:تحریک انصاف