اسلام آباد (نیوز ڈیسک) پارلیمنٹ لاجز میں چرس اور شراب کے استعمال کا انکشاف۔ تفصیلات کے مطابق سینٹ کے اجلاس میں جے یو آئی (ف) کے سینیٹر حمد اللہ نے یہ انکشاف کیا کہ پارلیمنٹ لاجز میں چرس اور شراب کا کھلم کھلااستعمال ہوتا ہے۔ انہوں نے مزید بتایا کہ دو دن قبل انہوں نے ایک شخص کو میں چرس پیتے ہوئے دیکھا اورجب اس سے پوچھا کہ

آپ یہ کیوں کر رہے ہیں تو موصوف نے جواب دیا کہ پہلے ہم پارلیمنٹ لاجز کے اندر بیٹھ کر پیتے تھے آج کچھ مہمان آئے ہوئے ہیں اس لئے باہر بیٹھ کر پی رہے ہیں۔ سینیٹر حمد اللہ نے انکشاف کیا کہ کچھ سینیٹرز کے مہمان آئے ہوئے تھے جنہیں چرس اور شراب کی سہولت پیش کی جا رہی تھی۔ اس معاملے پر انہوں نے چیئرمین سینٹ سے مطالبہ کیا کہ اس اہم مسئلے کو حل کیاجائے ۔

موضوعات:پارلیمنٹ لاجز