اسلام آباد(مانیٹرنگ ڈیسک) بلدیاتی انتخابات کے دوران ٹھپے لگانے کا جرم ثابت ، راولپنڈی کے میئر سردار محمد نسیم نا اہل قرار ۔تفصیلات کے مطابق الیکشن کمیشن نے بلدیاتی انتخابات کے دوران ٹھپے لگانے کا جرم ثابت ہونے پر راولپنڈی کے میئر سردار محمد نسیم کو نا اہل قرار دے دیا ہے۔چیف الیکشن کمشنر سردار رضا محمد خان کی سربراہی میں 5 رکنی بینچ نے

بلدیاتی انتخابات کے دوران ٹھپے لگانے سے متعلق طا ہرہ تنویر اور لبنی اقبال کی 2 درخواستوں پر پہلے سے محفوظ فیصلہ سناتے ہوئے میئر راولپنڈی سردار محمد نسیم کو نااہل قرار دیدیاہے۔واضح رہے کہ نے مسلم لیگ (ن) سے تعلق رکھنے والے میئر پر راولپنڈی میں مخصوص نشستوں پر ہونے والے بلدیاتی انتخابات کے دوران ٹھپے لگانے کا الزام تھا۔

موضوعات:الیکشن کمیشن میئر راولپنـڈی سردار نسیم