اسلام آباد(مانیٹرنگ ڈیسک ) نوا ز لیگ والوں نے سہ پہر 3 بجے راولپنڈی بند کرنے کا اعلان کیا ہے،کسی نے لال حویلی کا رخ کیا تو ذمہ داری شریف برادران پر ہو گی ، عوامی مسلم لیگ کےسربراہ شیخ رشید احمد نے وارننگ جاری کر دی۔تفصیلات کے مطابق پانامہ کیس میں وزیراعظم نواز شریف کی نا اہلی کیلئے درخواست دہندہ عوامی مسلم لیگ کے سربراہ شیخ رشید احمد نے کارکنوں اور صحافیوں کے ساتھ پر تکلف ناشتے کے دوران بات چیت کرتے ہوئے

ن لیگ کو وارننگ جاری کرتے ہوئے کہا ہے کہ پانامہ کیس فیصلہ کے بعد اگر کسی ن لیگی کارکن نے لال حویلی کا رخ کیا توکسی بھی ناخوشگوار واقعہ کی تمام ذمہ داری شریف برادران پر ہو گی۔ ان کا کہنا تھا کہ ن لیگ نے سہ پہر 3 بجے راولپنڈی بند کرنے کا اعلان کر رکھا ہے جس سے انتظامیہ کو آگاہ کر دیا ہے اور سکیورٹی بھی مانگی ہے۔شیخ رشید کا کہنا تھا کہ آج ملکی تاریخ کا اہم ترین دن ہے اور پوری قوم پانامہ کیس کے فیصلے کا انتظار کر رہی ہے۔

موضوعات:پانامہ کیس فیصلہ شیخ رشید