لاہور(این این آئی ) قومی کرکٹ ٹیم کے چیف سلیکٹر انضمام الحق نے دفاعی چمپئن ویسٹ انڈیز کو ٹی ٹونٹی سیریز میں دھول چٹانے والی پاکستان ٹیم کی تعریفوں کے پل باندھ دیے، ۔نجی ٹی وی سے گفتگو کرتے ہوئے انضمام الحق نے قومی ٹیم کی پرفارمنس پر اظہار مسرت کیا اور کہا کہ نوجوان کھلاڑیوں نے سیریز میں اچھی پرفارمنس دکھائی جبکہ سینئرز نے بھی نوجوان کھلاڑیوں کو اچھے طریقے سے گائیڈ کیا۔ ویسٹ انڈیز کے

خلاف کھلاڑی مقابلہ کرتے نظر آئے اور ان کی پرفارمنس میں بہتری آئی۔انہوں نے کہا کہ ہمارا مقصد نوجوان کھلاڑیوں کو آگے لے کر آنا ہے اس لیے سب کو یہ بات ذہن نشین رکھنی ہوگی کہ ٹیم میں جگہ پرفارمنس سے مشروط ہے۔ٹی ٹونٹی سیریز کے د وران شاداب نے عمدہ کارکردگی دکھائی ۔کامران اکمل کی ٹیم میں شمولیت اور کارکردگی پر گفتگو کرتے ہوئے کہا کہ کامران اکمل کو پورا موقع دیں گے تاکہ ان کے ساتھ نا انصافی نہ ہو۔

موضوعات:انضمام الحق