اسلام آباد(مانیٹرنگ ڈیسک)عوامی لیڈر کے عوامی اطوار، پاکستان سپر لیگ کے لاہور میں فائنل میچ کیلئے عوامی مسلم لیگ کے سربراہ شیخ رشید احمد نے 500روپے والا ٹکٹ حاصل کر لیا۔ یاد رہے کہ پی سی بی نے پی ایس فائنل کےلئے 500سے 12000تک کے ٹکٹ فروخت کیلئے پیش کئے تھے، 500والے ٹکٹ خریدنے والے افراد کیلئے

سٹیڈیم میں فرشی سیٹ ہونگی جبکہ 12000والے ٹکٹ کے حامل افراد گیلریز اور اہم جگہوں پر بیٹھ کر میچ دیکھ سکیں گے۔نجی ٹی وی کے مطابق جب پی ایس ایل حکام کو شیخ رشید کے 500روپے والا ٹکٹ خریدنے کا علم ہوا تو پی ایس ایل حکام نے شیخ رشید سے رابطہ کر کے انہیںعوامی انکلوژر کے بجائے وی آئی پی انکلوژر میں براجمان ہو کر میچ دیکھنے کی دعوت دی ہے۔واضح رہے کہ پی ایس ایل فائنل کے ٹکٹس کی فروخت ابھی تک جاری ہے اور منتخب بینکوں کے سامنے کرکٹ کے دیوانوںکا کھڑکی توڑ رش ہے جس کی وجہ سے انتظامیہ نے پولیس اور رینجرز کی بھی خدمات حاصل کر لی ہیں جبکہ آن لائن ٹکٹ چند ہی گھنٹوں کے اندر فروخت ہو گئے تھے ۔

موضوعات:آفر پی ایس ایل انتـظامیہ ٹکٹ شیخ رشید