اسلام آباد(مانیٹرنگ ڈیسک)انگور کو اس کے منفرد ذائقہ کی وجہ سے بے انتہا ء پسند کیا جاتا ہے۔یہ خوش ذائقہ ہونے کیساتھ انسانی صحت کیلئے بھی بہت مفید ہے۔انگور میں بہت سے مفیدغذائی اجزاء پائے جاتے ہیں۔جن میں وٹامنز اے ،سی ،کیلشیم ،آئرن اور پوٹاشیم شامل ہیں ۔

انگور میں موجود اجزاء صرف موٹے افراد میں چکنائیاں ختم کر کے انہیں بلڈ پریشر اور امراض قلب سے بچاتے ہیں بلکہ انہیں مختلف قسم کے انفکشنز سے بھی محفوظ رکھتے ہیں۔انگور کثیر اخلتہ اور زور ہضم ہوتا ہے ۔خون صالح پیدا کرتا ، مصفیٰ خون بھی ہے اور پختہ انگور زیادہ کھانے سے اسہال آنے لگتے ہیں۔جن بچوں کو قبض کی شکایت رہتی ہو ان کیلئے انگور کا رس مفید ہے ۔بچہ خواہ کتنی ہی شدید قبض میں مبتلا کیوں نہ ہوا سے آپ ایک چمچ انگور کا رس پلائیں وہ ٹھیک ہو جائیگا۔انگوروں میں ایک خاص قسم کا انٹی اکسیڈنٹ پایا جاتا ہے جو کینسر جیسے موذی مرض کیخلاف لڑنے میں مددگار ثابت ہوتا ہے اورسرطان پیدا کرنیوالے سیلز کی افزائش کو بھی روکتا ہے۔انگور کے رس کا استعمال چھاتی کے کینسر کو روکتا ہے ۔

موضوعات:انگور