اسلام آباد(مانیٹرنگ ڈیسک)وزیر مملکت،نجکاری کمیشن کے چیئرمین اور تحریک انصاف کے مرکزی رہنما اسد عمر کے بڑے بھائی محمد زبیر عمر کو سندھ کا نیا گورنر بنا دیا گیا ہے ، انہیں گورنر مقرر کرنے کا فیصلہ وزیر اعظم نواز شریف کی صدر مملکت ممنون حسین سے ملاقات میں کیا گیا جب کہ وزیر

خزانہ اسحاق ڈار نے وزیر اعظم کو زبیر عمر کو سندھ کا نیا گورنر مقرر کرنے کی تجویز دی تھی جس سے وزیر اعظم نے اتفاق کر کے ان کے تقرر کا فیصلہ کیا،نئے سندھ کے گورنر کے تقرر کی ایڈوائس ایوان صدر بھجوا دی گئی ہے اور جلد نئے گورنر سندھ کا نوٹیفکیشن ہو جائے گا اس ضمن میں زبیر عمر نے بھی تصدیق کر دی ہے ۔

وفاقی حکومت نے وزیرمملکت محمدزبیرعمرکوگورنرسندھ تعینات کردیاہے ۔ایک نجی ٹی وی کے مطابق وزیرمملکت نجکاری کمیشن محمدزیبرکوگورنرسندھ تعینات کردیاگیاہے ۔اس موقع پرانہوں نے ایک نجی ٹی وی سے گفتگوکرتے ہوئے کہاکہ سندھ پاکستان کاایک حساس صوبہ ہے ۔

انہوں نے کہاکہ کراچی پاکستان کی معاشی شہہ رگ ہے ۔ انہوں نے کہا کہ کراچی میں امن وامان کی صورتحال گزشتہ 20 ، 25 سال سے اچھی نہیں تھی جو ہماری حکومت میں کراچی آپریشن کے بعد بہتر ہوئی اور اب سب سے بڑا چیلنج شہر کو معاشی حب کی صورت میں واپس لانا ہے۔واضح رہے کہ محمدزیبرپانامالیکس کیس میں وزیراعظم نوازشریف کے دفاع کرنے والے اہم مسلم لیگی رہنمائوں میں شامل ہیں ۔

موضوعات:گورنر سندھ