اسلام آباد(مانیٹرنگ ڈیسک) معروف غیر ملکی جریدے ’’ٹائم ‘‘ نے اپنی ایک رپورٹ میں کہا ہے کہ برے حالات میں اچھے لوگوں کے کارنامےتاریخ میں ہمیشہ سنہری حروف سے لکھے جائیں گے۔ ’’ٹائم‘‘ کی رپورٹ کے مطابق ایک نمائش میں یہودیوں کے ہولوکاسٹ کے زمانے میں مسلمانوں کے کردار پر روشنی ڈالی گئی۔ نمائش میں دوسری جنگ عظیم کے دوران یہودیوں کے قتل عام پر مسلمانوں

کے تاریخی کردار کو سراہا گیا۔ رپورٹ کے مطابق دوسری جنگ عظیم میں ایک مسلمان خالد عبد الوہاب نے تیونس میں دو درجن سے زائد یہودیوں کی مدد کرتے ہوئے انہیں نازی فوج سے پناہ دی اور ہٹلر کے قہر سے بچایا۔ ایک اور مسلمان شخصیت ایرانی سفیر عبد الحسین سرداری نے نازی فوجیوں کی قید سے فرار ہونے والے ہزاروں یہودیوں کی زندگی بچائیں اور انہیں پاسپورٹ جاری کروائے۔ نمائش میں پیش کی جانے والی کہانیوںمیں بتایا گیا کہ زمین پر بسنے والے انسان دوسرے انسانوں کے تحفظ اور باہمی محبت و یگانگت کیلئے کیسے کردار ادا کرتے ہیں۔ ہولوکاسٹ میں یہودیوں کو نسل کشی سے بچانے کیلئے آج بھی با ضمیر یہودی مسلمانوں کے شکر گزار ہیں۔

موضوعات:اسلام انسانیت ہولو کاسٹ یہودی