پرتھ(مانیٹرنگ ڈیسک) پاکستان اورآسڑیلیاکے درمیان جمعرات کےروزپرتھ میں کھیلے جانے والے تیسرے ایک روزہ میچ میں آسڑیلیاکے تین اہم کھلاڑی مچل سٹارک،مچل مارش اورکرس لین نہیں کھیل سکیں گے ۔کرکٹ آسڑیلیاکے مطابق مچل سٹارک نے پچھلے چھ ماہ میں بہت کرکٹ کھیلی ہے، انھیں مسلسل کھیلنے کے بعد آرام کی ضرورت ہے۔ دوسری جانب کندھے کی تکلیف میں مبتلا آل راؤنڈر مچل مارش کندھے کی تکلیف میں اضافہ ہو گیا ہے۔

کرکٹ آسڑیلیا کے مطابق فزیو تھراپسٹ کی جانب سے انہیں مکمل آرام اور علاج کا مشورہ دیا گیا ہے۔ مچل مارش پاکستان کے خلاف مزید تین ایک روزہ میچز میں حصہ نہیں لیں گے۔ ادھر اطلاعات ہیں کہ کرس لین کو بھی گردن کی تکلیف پیدا ہو گئی ہے۔ کرس تیسرے میچ میں تو حصہ نہیں لیں گے۔اس صورتحال میں پاکستانی ٹیم کاپلہ تیسرے ایک ر وزہ میچ کےلئے بھاری ہوگیاہے اورپاکستانی ٹیم ان بڑے کھلاڑیوں کی غیرموجودگی کابھرپورفائدہ اٹھاسکتی ہے ۔

موضوعات:کھلاڑی