اسلام آباد (این این آئی)پاکستان کرکٹ ٹیم کے سابق کپتان شاہد آفریدی نے کہا ہے کہ انھیں بنگلہ دیش پریمیرلیگ (بی پی ایل) کی ٹیم رنگپور ریڈرز کی جانب سے کپتانی کی پیش کش کی گئی تھی جس سے معذرت کرلی۔

شاہد آفریدی نے سماجی رابطے کی ویب سائٹ ٹویٹر پر اپنے پیغام میں کہا کہ ریڈرز کی جانب سے بی پی ایل 2016 کی کپتانی کی پیش کش ہوئی تھی جس کا میں مشکور ہوں ٗمیں بطور کھلاڑی محظوظ ہونا چاہتا ہوں اسی لیے کپتانی سے انکار کیا۔

افغانستان کرکٹ ٹیم کے کپتان محمد شہزاد رنگپور ریڈرز کے وکٹ کیپر ہوں گے، سری لنکا کے سچیترا سینانائیکے، گیہان روپاسنگھے، داسن شاناکا، انگلینڈ کے رچرڈ گلیسن اور سینٹ لوشیا کے گڈرون پوپ بطور غیرملکی کھلاڑی شامل ہوں گے۔سومیا سرکار، محمد متھن، سوہاگ غازی، عرفات سنی اور روبیل حسین جیسے مقامی کھلاڑی بھی ٹیم کی نمائندگی کریں گے۔

موضوعات:افغانستان بنگلہ دیش بی پی ایل رشاہد آفریدی