اسلام آباد (مانیٹرنگ ڈیسک) ملکی تاریخ میں پہلی بار روسی آئل آئندہ ہفتے پورٹ قاسم پہنچے گا۔ایک لاکھ بیرل کروڈ آئل روس نے دیگر ذرائع کے مقابلے میں 30فیصد کم قیمت پر بھجوایا ہے ایک لاکھ بیرل روسی کروڈ آئل کی پہلی ادائیگی ڈالر کی بجائے کسی متفقہ کرنسی میں کرنے پر اتفاق ہو گیا۔

روس کے چار روزہ دورے پر چیئرمین سینٹ محمد صادق سنجرانی کی سربراہی میں جانے والے پاکستانی سینٹ کے وفد نے روس کے نائب وزیراعظم الیگزینڈر نووک کے ساتھ اہم مذاکرات کئے۔ مذاکرات میں چیئرمین سینٹ محمد صادق سنجرانی کی معاونت سینٹر نذہت صادق‘ سنیٹر عبدالغفور حیدری‘ سنیٹر عبدالقادر‘ سنیٹر روبینہ خالد‘ سنیٹر دلاور خان‘ سنیٹر منظور احمد اور پاکستانی سفیر متعینہ ماسکو شفقت علی خان نے کی۔

موضوعات:روسی تیل