اسلام آباد (این این آئی) پاکستان کی خواتین کرکٹ ٹیم 29اپریل کو جنوبی افریقہ کیلئے روانہ ہوگی ۔ پی سی بی حکام کے مطابق ویمن ٹیم دورہ ساؤتھ افریقہ میں تین ون ڈے میچز اور پانچ ٹی ٹونٹی میچز کھیلے گی ۔آئی سی سی ویمن چمپئن شپ کے سلسلہ میں قومی ویمن ٹیم سیریز کا پہلا ون ڈے میچ چھ مئی کو ساؤتھ افریقہ کی ویمن ٹیم کے خلاف

ہوگا ۔دوسرا ون ڈے میچ 9مئی، تیسرا 12مئی کو ہوگا، جبکہ پانچ ٹی ٹونٹی میچز کی سیریز کا پہلا میچ 15مئی ،دوسرا میچ 18مئی ،تیسرا میچ 19مئی ،چوتھا میچ 22مئی اور پانچواں میچ 23مئی کو ہوگا ۔دورہ ساؤتھ افریقہ سے قومی ویمن ٹیم کو 21فروری سے 8مارچ 2020تک آسٹریلیا میں ہونے والی ویمن ٹی ٹونٹی ورلڈ کپ کی تیاریوں میں مدد ملے گی ۔

موضوعات:قومی ویمن کرکٹ ٹیم