دبئی (این این آئی)پاکستان سپر لیگ کی دفاعی چمپئن پشاور زلمی کی دعوت پر پی ایس ایل میچز دیکھنے کیلئے کینسر کے مریض بچے دبئی پہنچ گئے۔پشاور زلمی کے چیئرمین جاوید آفریدی نے ان مریض بچوں کو پی ایس ایل میچز دیکھنے لیے دبئی مدعو کیا ہے۔چیئرمین جاوید آفریدی کا کہنا ہے کہ پشاور زلمی فائونڈیشن کے مشن کو آگے

بڑھاتے ہوئے اس سال بھی کینسر میں مبتلا ان بچوں کو کرکٹ دیکھنے کیلئے بلایا گیا ہے۔بچوں کی دبئی آمد ان کیلئے اعزاز اور حوصلے کی بات ہے۔ دبئی پہنچنے پر ان بچوں کی خوشی بھی قابل دید تھی ۔کینسر کے مریض یہ بچے پی ایس ایل کی افتتاحی تقریب میں شریک ہوں گے ٗ اس کے علاوہ پشاور زلمی کی ٹیم سے بھی ان کی ملاقات ہوگی اور بچوں کو دبئی کی سیر بھی کرائی جائیگی۔

موضوعات:پشاور زلمی