کرائسٹ چرچ(سی پی پی) کرائسٹ چرچ کے ہیگلے اوول گرانڈ میں کھیلے گئے آئی سی سی انڈر۔19کرکٹ ورلڈ کپ کے دوسرے سیمی فائنل میں بھارت پاکستان کو203رنز سے شکست دے کر فائنل میں پہنچ گیا، پاکستان کی پوری ٹیم صرف 69 رنز پر ڈھیر ہو گئی ،شوبمن گل کو ناقابل شکست سنچری پر مین آف دی میچ قرار دیا گیا جبکہ فائنل میں آسٹریلیا اور بھارت کی ٹیمیں مدمقابل ہوں گی۔کرائسٹ چرچ میں کھیلے گئے ایونٹ کے دوسرے

سیمی فائنل میں بھارتی کپتان پرتھوی شا نے ٹاس جیت کر پہلے بیٹنگ کرنے کا فیصلہ کیااور منجوٹ کالراکے ساتھ مل کر 89رنز کا شاندار آغاز فراہم کیا، پرتھوی شا 41رنز کی اننگز کھیل کر منجوٹ کا ساتھ چھوڑ گئے، کپتان کے آوٹ ہونے کے بعد منجوٹ کالرا بھی زیادہ دیر نہ ٹھہر سکے اور 47رنز کی اننگز کھیل کر پویلین لوٹ گئے۔شوبمن گل کا ساتھ دینے کے لئے ڈیسائی میدان میں اترے اور دونوں بیٹسمینوں نے 54رنز جوڑ کر مجموعی اسکور 148رنز تک پہنچادیا، ڈیسائی 20رنز بناکرآوٹ ہوگئے۔اس دورن شوبمن گل نیوکٹ کے چاروں طرف دلکش اسٹروکس کھیلتے ہوئے سنچری مکمل کی،وہ 102رنز پر ناٹ آوٹ رہے۔ انوکل رائے 33اور شووم ماوی 10رنز بناسکے ۔یوں بھارت کی ٹیم نے مقررہ پچاس اوورز میں 9وکٹوں کے نقصان پر272رنز بنالئے۔پاکستان کی طرف سے محمد موسی نے چاراور ارشد اقبال نے تین کھلاڑیوں کو آوٹ کیا۔ہدف کے تعاقب میں پاکستان ٹیم کو ابتدا ہی سے مشکلات کا سامنا رہا ، صرف 10رنز پراوپنر محمد زاہد عالم 7رنز بناکر پویلین لوٹ گئے، پاکستان کا کوئی بھی بیٹسمین بھارتی بولرز کا جم کر مقابلہ نہ کرسکا، ایک بعد ایک وکٹ گرنے کا ایسا سلسلہ شروع ہوا جس نے رکنے کا نام نہ لیا اور پوری ٹیم صرف 69 رنز پر بناسکی۔روحیل نذیر18، سعد

خان 15اور محمد موسی 11 کے علاوہ کوئی بھی بیٹسمین ڈبل فیگر میں اسکور نہ کر سکا۔ایشان پوریل نیصرف 17رنز کے عوض 4جبکہ شیوا سنگھ اور ریان پراگ نے دو، دوکھلاڑیوں کو آوٹ کیا۔ایونٹ کا فائنل 3فروری کو آسٹریلیا اور بھارت کے درمیان بے اوول، ماونگانو میں کھیلا جائے گا۔واضح رہے کہ میچ کے آغاز سے ہی پاکستان ٹیم کی جانب سے کمزرو فیلڈنگ کا مظاہرہ کیا گیا جس کی وجہ سے کئی کیچز بھی ڈراپ ہوئے۔

موضوعات:آئی سی سی انڈر 19 ورلڈکپ