اسلام آباد (مانیٹرنگ ڈیسک) آئی سی سی نے ٹی ٹوئنٹی رینکنگ جاری کر دی ہے، آئی سی سی کی ٹی ٹوئنٹی رینکنگ کے مطابق پاکستان 124 پوائنٹس کے ساتھ پہلے نمبر پر ہے، پاکستان کے روایتی حریف بھارت نے سال 2017ء میں زیادہ تر سیریز اپنے ہوم گراؤنڈ پر ہی کھیلیں اور آخری سیریز جو انہوں نے سری لنکا کے خلاف کھیلی اس میں ٹی ٹوئنٹی میں بھارت نے کلین سویپ بھی کیا لیکن پھر بھی بھارت 121 پوائنٹس کے ساتھ دوسرے نمبر پر ہے، وہ پاکستان سے پہلی پوزیشن

چھین نہیں سکا، آئی سی سی کی جانب سے جاری کی گئی رینکنگ کے مطابق تیسری اور چوتھی پوزیشن نیوزی لینڈ اور ویسٹ انڈیز کی ہے ان دونوں کے 120, 120 پوائنٹس ہیں، آئی سی سی رینکنگ کے مطابق پانچویں پوزیشن پر انگلینڈ ہے جس کے 119پوائنٹس ہیں، جنوبی افریقہ 112پوائنٹس کے ساتھ چھٹے،آسٹریلیا کے 111پوائنٹس ہیں اور وہ ساتویں پوزیشن پر قابض ہے، سری لنکا 88 پوائنٹس کے ساتھ آٹھویں اور افغانستان 86 پوائنٹس کے ساتھ دسویں پوزیشن پر براجمان ہے۔

موضوعات:ٹی ٹوئنٹی رینکنگ