کرائسٹ چرچ (سی پی پی)نیوزی لینڈ اور ویسٹ انڈیز کی کرکٹ ٹیموں کے درمیان دوسرا ایک روزہ میچ(آج)ہفتہ کو کرائسٹ چرچ میں کھیلا جائے گا، یہ سیریز تین ون ڈے پر مشتمل ہے جبکہ کیویز کو تین میچوں کی سیریز میں 1-0 کی برتری حاصل ہے۔ تفصیلات کے مطابق دونوں ٹیموں کے درمیان دوسرا ون ڈے 23 دسمبر جبکہ تیسرا اور آخری 26 دسمبر کو کھیلا جائے گا۔ دونوں میچز کرائسٹ چرچ میں کھیلے جائیں گے۔

میڈیا رپورٹس کے مطابق شائقین کیلئے بری خبر یہ ہے کہ جارح مزاج ویسٹ انڈین بلے باز کرس گیل کی بیماری کے باعث نیوزی لینڈ کے خلاف شیڈول دوسرے ایک روزہ بین الاقوامی کرکٹ میچ میں شرکت مشکوک ہو گئی۔ گیل نے کیویز کے خلاف پہلے ایک روزہ میچ میں 22 رنز بنائے تھے لیکن انہوں نے فیلڈنگ نہیں کی۔ ویسٹ انڈین ٹیم

کوچ سٹورٹ لا نے اپنے بیان میں کہا کہ گیل بیمار ہیں، ڈاکٹرز ان کا معائنہ کر رہے ہیں اور ایک دو روز میں ان کی صحت کے بارے معلوم ہو سکے گا اسلئے اس وقت ان کی دوسرے ایک روزہ میچ میں شرکت کے بارے کچھ نہیں کہا جا سکتا۔اس قبل کیویز نے ویسٹ انڈیز کی ٹیم کو پہلے ون ڈے میچ میں 5 وکٹوں سے شکست دیکر تین میچوں کی سیریز میں 1-0 کی برتری حاصل کرلی ہے۔

موضوعات:ویسٹ انڈیز،نیوزی لینڈ، دوسرا ون ڈے