لاہور(سی پی پی)قومی کرکٹ ٹیم نیوزی لینڈ روانگی سے قبل (آج)ہفتہ کو تین روزہ فٹنس کیمپ لگایا جائیگا جبکہ پی سی بی کی جانب سے دورہ نیوزی لینڈ کے حوالے سے تمام ترتیاریاں مکمل ہو چکی ہیں۔تفصیلات کے مطابق پاکستان کرکٹ بورڈ کی سلیکشن کمیٹی نے دورہ نیوزی لینڈ کے لیے تیاریوں کو حتمی شکل دے دی ہے

اور غیر ملکی دورے سے قبل کھلاڑیوں کے فٹنس ٹیسٹ لینے کا فیصلہ کیا گیا ہے۔ قومی کھلاڑیوں کے فٹنس ٹیسٹ 23 دسمبر کو نیشنل کرکٹ اکیڈمی لاہور میں لیے جائیں گے۔واضح رہے کہ دورہ نیوزی لینڈ کے دوران پاکستان کرکٹ ٹیم 5 ون ڈے اور تین ٹی ٹوئنٹی میچز کھیلے گی۔

موضوعات:دورہ نیوزی لینڈ:قومی کرکٹرز،فٹنس ٹیسٹ